Витаминот Б1 овозможува јаглехидратите и протеините што ги консумирате да се користат за создавање енергија. Потребен е за функционирање, раст и развој на клетките во вашето тело. Телото не создава свој витамин Б1 и складира многу мали количини од него, така што треба редовно да консумирате тиамин преку вашата исхрана за да обезбедите стабилно снабдување.

Недостатокот од овој витамин во организмот доведува до болеста бери – бери (невролошко и кардиоваскуларно пореметување). Симптомите се сла­бост во нозете, едеми и на крај оштетувања на нерви­те по целото тело при што доаѓа до психоза и застој во работата на срцето. При дефицит на тиамин искористувањето на гликозата од страна на централниот нервен систем може да опадне на 50-60 %. Затоа во оваа состојба често доаѓа до отоци на нервните ќелии кои се карактеристични при нивна недоволна исхрана. Нервните влакна во ‘рбетниот мозок може да се дегенерираат до таа мера што може да предизвикаат и привремена парализа, а во поблаги случаи да дојде до мускулна атрофија и тешка мускулна слабост. Дефицитот од тиамин исто така, го слабее срцевиот мускул и предизвикува срцева инсуфициенција.

 

Може да завршите со недостаток на витамин Б1 затоа што сте се хранеле лошо или имате дефицитарна исхрана. Но, тоа може да биде и затоа што вашето тело не ги апсорбира правилно хранливите материи од храната поради здравствен проблем како цревно или стомачно нарушување. Најголем ризик да развијат недостаток на витамин Б1:

  • Хронични алкохоличари.
  • Стари лица
  • Секој со ХИВ.
  • Дијабетичари.
  • Бремени жени кои имале многу повраќање во текот на подолг период.
  • Секој кој имал баријатриска операција.
  • Оние со цироза на црниот дроб
  • Оние кои се подложени на третмани за хемодијализа поради проблеми со бубрезите.
  • Пушењето, консумирањето големи количини кафе, зелен и црн чај може да доведат до побавно преземање на витаминот Б1 од страна на организмот.
  • Луѓе кои консумираат многу сирова риба и школки. Хемикалиите присутни во сировата морска храна ја менуваат апсорпцијата на тиамин. Меѓутоа, ако ја готвите морска храна, тоа не се случува.
  • Тешки физички работи, интензивно тренирање, како и психички напор и стрес ја зголемуваат потрошувачката на овој витамин, па создаваат недостиг.

Витаминот Б1 (тиамин) примарно се наоѓа во квасецот (лебот), оризот, интегралните житарки, аспарагус, јаткастите плодови, мешунките, месото, јајцата и млекото. Со варење лесно се распаѓа на повисоки температури. Препорачаните додатоци во исхраната за тиамин се 1,1-1,2 mg на ден за возрасни и 1,4 mg за бремени жени и доилки.

Други содржини

Најпродавани
производи